கல்வி சூரியன்

 ஜிப்மரில் துணை மருத்துவ படிப்பு மார்ச் 14 வரை விண்ணப்பிக்கலாம்

புதுச்சேரி : ஜிப்மர் மருத்துவக் கல்லுாரியில் பி.எஸ்சி.., நர்சிங் உள்ளிட்ட துணை மருத்துவ படிப்புகளுக்கு, அடுத்த மாதம் 14ம் தேதி வரை ஆன்லைனில் விண்ணப்பிக்கலாம்.புதுச்சேரி ஜிப்மர் மருத்துவக் கல்லுாரியில் பி.எஸ்சி., நர்சிங் படிப்பில் 94 சீட்டுகள் உள்ளன.

எம்.எல்.டி., ரத்த சேகரிப்பு, நியூரோ டெக்னாலஜி, நியூக்கிளியர் மெடிசன் டெக்னாலஜி, மெடிக்கல் ரோடியோலஜி இமேஜிங் டெக்னாலஜி உள்ளிட்ட 9 பி.எஸ்சி., துணை மருத்துவ படிப்புகளில் 87 சீட்டுகள் உள்ளன.இப்படிப்புகளில் முதலாமாண்டு சேர்க்கைக்கான விண்ணப்பம் கடந்த 18ம் தேதி முதல் ஆன்லைனில் பெறப்பட்டு வருகிறது. அடுத்த மாதம் 14ம் தேதி வரை விண்ணப்பிக்கலாம். தகுதியான மாணவர்களின் பட்டியல் மார்ச் 21ம் தேதிக்கு முன்பாக வெளியிடப்படும்.பி.எஸ்சி., நர்சிங் படிப்பில் மொத்தமுள்ள 94 சீட்டுகளில் 9 சீட்டுகள் மாணவர்களுக்கும், 85 சீட்டுகள் மாணவிகளுக்கும் ஒதுக்கப்பட்டுள்ளது.தேசிய தேர்வு முகமை நடத்திய யூ.ஜி., நீட் தேர்வில் தேர்ச்சி பெற்றவர்கள் மட்டுமே இப்படிப்புகளுக்கு விண்ணப்பிக்க முடியும். மேலும் தகவல்களுக்கு www.jipmer.edu.in என்ற இணைய முகவரியை பார்க்கவும்.