கல்வி சூரியன்

 11ஆம் வகுப்பு படிக்காமலே 12-ஆம் வகுப்பு தேர்வை வீட்டிலிருந்து படித்து தேர்வு எழுத முடியுமா?

தற்போதுள்ள நடைமுறைப்படி 10-ஆம் வகுப்பு முடித்ததும் நேரடியாக +2 வகுப்பு எழுத முடியாது. முதலில் +1 எழுதி தேர்ச்சி பெற்று பின்னர் தான் +2 வகுப்பிற்கு விண்ணப்பிக்க வேண்டும்.

11-ஆம் வகுப்பு தேர்வு எழுத தகுதி:

10-ஆம் வகுப்பு தேர்ச்சி பெற்று ஓர் ஆண்டுகள் ஆகி இருக்க வேண்டும், 15.5 வயது (பதினைந்து அரை வயது)-க்கு மேல் இருக்க வேண்டும்.

12- ஆம் வகுப்பு தேர்வு எழுத தகுதி:

11-ஆம் வகுப்பில் தேர்ச்சி பெற்று இருக்க வேண்டும், 11-ஆம் வகுப்பில் ஒரு சில பாடங்களில் தேர்ச்சி பெறாமல் (பெயிலலாகி) இருந்தாலும் +1 -க்கும், +2 விற்கும் சேர்த்து விண்ணப்பிக்கலாம்.

10-ஆம் வகுப்பு படித்துவிட்டு அதற்கு மேல் படிக்காமல் இருப்பவர்கள் வீட்டில் இருந்தே 11, 12-ஆம் வகுப்பு படித்து, ஒவ்வொரு ஆண்டும் மார்ச் மாதம் நடைபெறும் பொது தேர்வுகள் மற்றும் இதர துணைத்தேர்வுகளில் பங்குபெற்று எழுதலாம்.

வரும் மார்ச்/ஏப்ரல் மாதம் நடைபெற உள்ள 11, 12-ஆம் வகுப்பு பொது தேர்வு எழுத தற்போது விண்ணப்பிக்கலாம்.

விண்ணப்பிக்க பிப்ரவரி 1 கடைசி நாள்:

தத்கல் - சிறப்பு அனுமதித் திட்டம்:

குறிப்பிட்ட நாட்களில் விண்ணப்பிக்கத் தவறும் தேர்வர்கள் 05.01.2023 முதல் 01.02.2023 வரையிலான நாட்களில் இணைய வழியில் விண்ணப்பிக்கலாம். 

10ஆம் வகுப்புத் தேர்வுக்கு சிறப்பு அனுமதிக் கட்டணம் - ரூ.500, 11ஆம் வகுப்பு- 12ஆம் வகுப்புத் தேர்வுகளுக்கான சிறப்பு அனுமதிக் கட்டணம் - ரூ.1000 செலுத்தி விண்ணப்பிக்கலாம்.

தேதி நீட்டிப்பு அறிவிப்பு: https://tnegadge.s3.amazonaws.com/notification/HRSEC/1675060423.pdf

இதற்கான முழு விபரத்தை பார்ப்போம்.

எப்படி விண்ணப்பிப்பது ?

தமிழக அரசு ஆன்லைனில் விண்ணப்பிக்க ஒவ்வொறு மாவட்டத்திலும் அரசு தேர்வுகள் சேவை மையங்களை (Government Examinations Service centers) ஏற்படுத்தியுள்ளது. 

மாவட்ட வாரியாக இந்த சேவை மையங்களின் விபரம் இந்த http://www.dge.tn.gov.in லின்கில் உள்ளது

உங்களுக்கு அருகில் உள்ள மையங்களுக்கு கீழ்காணும் ஆவணங்களுடன் நேரில் சென்று விண்ணப்பிக்க வேண்டும்.

எடுத்து செல்ல வேண்டிய ஆவணங்கள் :

a) 10-ஆம் வகுப்பு மதிபெண் சான்றிதழ் (10th mark sheet)

b) மாற்று சான்றிதழ் (TC)

கட்டணம் : 

தேர்வு கட்டணம் ரூ.185 

விண்ணப்ப கட்டணம் ரூ.50 

மொத்தம் ரூ.235

எந்த எந்த பாட பிரிவிற்கு விண்ணப்பிக்கலாம் ?

+1, +2 – ல் பல பாட பிரிவுகள் இருந்தாலும் வீட்டில் இருந்து படித்து தேர்வு எழுதுபவர்கள் கீழ்காணும் பிரிவில் மட்டுமே விண்ணப்பிக்க முடியும்:

1. வரலாறு, பொருளியல், வணிகவியல், கணக்கு பதிவியல் (History, Economics, Commerce, Accountancy)

2. பொருளியல், அரசியல் அறிவியல், வணிகவியல், கணக்கு பதிவியல் (Economics, Political science, Commerce, Accountancy)

3. பொருளியல், வணிகவியல், கணக்கு பதிவியல், அறவியல் மற்றும் இந்திய கலாச்சாரம் (Economics, Commerce, Accountancy, Indian culture)

4.பொருளியல், வணிகவியல், கணக்கு பதிவியல், சிறப்பு மொழி (தமிழ்)(Economics, Commerce, Accountancy, Special Language)

5.பொருளியல், வணிகவியல், கணக்கு பதிவியல், வணிக கணிதம் மற்றும் புள்ளியியல் (Economics, Commerce, Accountancy, Business mathematics and statistics)

இந்த 4 பாடங்கள் மற்றும் தமிழ், ஆங்கிலம் சேர்த்து மொத்தம் 6 பாடங்கள்

தேர்விற்கு தயாராவது எப்படி ?

10- ஆம் வகுப்பு படித்து, வீட்டில் இருந்தே +1, +2 பின்னர் பட்ட படிப்பு படிக்கலாம் என நினைப்பவர்கள் இந்த தேர்விற்கு தற்போது விண்ணப்பிக்கலாம். 

பாட புத்தகங்கள் கடைகளில் கிடைக்கும், இணையதளத்தில் இருந்து எளிதில் பதிவிறக்கம் (download) செய்து கொள்ளலாம். தினமும் 4 மணி நேரம் ஒதுக்கி படித்தால் 3 மாதத்தில் எளிதில் அனைத்து பாடத்தையும் படித்து விடலாம்.

தனித்தேர்வாளர் முறையில் 11, 12-ஆம் வகுப்பிற்க்கு விண்ணபிக்கும் முழு தகவலும் இந்த http://www.dge.tn.gov.in/…/HSC_March2020_I_II_pvt… லின்கில் உள்ளது.

தனித்தேர்வாளர் முறையில் 11ஆம் வகுப்பு தேர்விற்கு விண்ணபிக்க முழு தகவல்:  https://tnegadge.s3.amazonaws.com/notification/HRSEC/1671603879.pdf

10ஆம் வகுப்பு: முதன்முறையாக நேரடித் தனித்தேர்வாகப் பத்தாம் வகுப்பு தேர்வை எழுத விரும்புவோரும்; 2012ஆம் ஆண்டுக்கு முன்னர் பத்தாம் வகுப்பு அறிவியல் பாடத்தில் தேர்ச்சி பெறாதவர்களும் வரும் ஆண்டில் நடைபெற இருக்கும் தனித்தேர்வுக்கு விண்ணப்பிக்கலாம்.

பத்தாம் வகுப்புத் பொதுத் தேர்வை பழைய பாடத்திட்டத்தில் தேர்வெழுதி தேர்ச்சி பெறாதவர்கள் அடுத்த ஆண்டு நடைபெறும் பொதுத் தேர்வில் புதிய பாடத்திட்டத்தில் மட்டுமே தேர்வெழுத முடியும்.