கல்வி சூரியன்

 TANCET மற்றும் CEETA நுழைவு தேர்வு ஜனவரி 10 முதல் பிப்ரவரி 7 வரை விண்ணப்பிக்கலாம் என அண்ணா பல்கலைகழகம் அறிவிப்பு

2024ம் ஆண்டுக்கான எம்.பி.ஏ., எம்.சி.ஏ ஆகிய முதுநிலை படிப்புகளுக்கான டான்செட் நுழைவுத் தேர்வு வரும் மார்ச் 9ம் தேதிநடைபெறும் என்றும், எம்.இ.,எம்டெக் போன்ற முதுநிலை பொறியியல் படிப்புகளுக்கான பிராத்தியோக நுழைவுத் தேர்வு (CEETA-PG) மார்ச்- 10ம் தேதி நடைபெறும் என்றும் அண்ணா பல்கலைக்கழகம் தெரிவித்துள்ளது.

இதற்கான, ஆன்லைன் விண்ணப்ப செயல்முறை வரும் ஜனவரி 10ம் தேதியில் இருந்து பிப்ரவரி மாதம் 7ம் தேதி வரை நடைபெறும் என்றும் தெரிவிக்கப்பட்டுள்ளது.

நுழைவுத் தேர்வு: 

மாநிலத்தில் உள்ள அரசு, அரசு உதவி பெறும் பொறியியல் கல்லூரிகள், அரசு, அரசு உதவி பெறும்அறிவியல்/கலை கல்லூரிகள் அண்ணா பல்கலைக்கழக வளாகம், அண்ணா பல்கலைக்கழக உறுப்புக் கல்லூரிகள், அண்ணாமலை பல்கலைக்கழகம்‌, சுயநிதி நிறுவனங்கள் ஒப்படைத்த எம்.பி.ஏ., எம்.சி.ஏ ஆகிய முதுநிலை படிப்புகளுக்கான பொது மாணவர் சேர்க்கையை (TAMIL NADU COMMON ENTRANCE TEST -TANCET ) அண்ணா பல்கலைக்கழகம் நடத்துகிறது.

அதேபோன்று, மாநிலத்தில் உள்ள அரசு, அரசு உதவி பெறும் பொறியியல் கல்லூரிகள், அண்ணா பல்கலைக்கழக வளாகம், அண்ணா பல்கலைக்கழக உறுப்புக் கல்லூரிகள், அண்ணாமலை பல்கலைக்கழகம்‌ ஆகியவற்றில் உள்ள எம்.இ.,எம்டெக் (M.E.,M.Tech., M.Arch., M.Plan) போன்ற முதுநிலை பொறியியல் படிப்புகளுக்கான பிரத்தியோக நுழைவுத் தேர்வை அண்ணா பல்கலைக்கழகம் நடத்துகிறது.

இந்தநிலையில், 2024ம் ஆண்டுக்கான அறிவிப்பை அண்ணா பல்கலைக்கழகம் வெளியிட்டுள்ளது.

முக்கியமான நாட்கள்:

2024 ஆம் ஆண்டுக்கான TANCET/ CEETA-PG விண்ணப்பப் பதிவு தொடங்கும் தேதி: 10.01.2024

விண்ணப்பப் பதிவு முடியும் தேதி: 07.02.2024

2024 ஆம் ஆண்டுக்கான டான்செட் MCA நுழைவுத் தேர்வு தேதி: 09.03.2024(காலை )

2024 ஆம் ஆண்டுக்கான டான்செட் MBA நுழைவுத் தேர்வு தேதி: 09.03.2024(மாலை)

2024 ஆம் ஆண்டுக்கான CEETA-PG நுழைவுத் தேர்வு தேதி : - 10.03.2024(காலை)

எனவே, ஆர்வமும், தகுதியும் உள்ள மாணவர்கள் உடனடியாக தங்களது விண்ணப்ப பதிவுகளை இதற்கான விண்ணப்பங்களை tancet.annauniv.edu என்ற இணையதளம் மூலம் ஆன்லைனில் மட்டும் சமர்ப்பிக்க வேண்டும்.

ஆன்லைனில் விண்ணப்பம் செய்வது எப்படி?

டான்செட் 2022: எப்படி பதிவு செய்வது என்ற படிப்படியான வழிமுறைகள்..

ஸ்டெப் 1: அண்ணா பல்கலைகழகத்தின் அதிகாரபூர்வமான தளத்திற்கு செல்லவும் - tancet.annauniv.edu.

ஸ்டெப் 2: இணைப்பின் முகப்புப் பக்கத்தில், TANCET 2022 registration (டான்செட் 2022 பதிவு செய்தல்) என்பதைக் கிளிக் செய்யவும்.

ஸ்டெப் 3: கிளிக் செய்தவுடன், ஒரு புதிய பக்கம் தோன்றும்

ஸ்டெப் 4: அந்தப் பக்கத்தில் உள்ள விவரங்களை பூர்த்தி செய்து, விண்ணப்பத்தை பிராசஸ் செய்யுங்கள்.

ஸ்டெப் 5: விண்ணப்பத்துக்கான கட்டணத்தை ஆன்லைனிலேயே செலுத்துங்கள்.

ஸ்டெப் 6: கட்டணம் செலுத்திய பின்பு, விண்ணப்பத்தை சமர்ப்பிக்கவும்.

ஸ்டெப் 7: அப்ளிகேஷன் செயல்முறை நிறைவடைந்தது. விண்ணப்பப் படிவத்தை நீங்கள் பிரின்ட் செய்து வைத்துக் கொள்ளலாம்.

விண்ணப்பதாரர்கள் ஆன்லைன் மூலம் மட்டுமே விண்ணப்பிக்க முடியும்.